Mapopelo gagakusamsangalasya Yehofa gali mpela ubani wakununjila wele ŵandu wawupelekaga kwa Yehofa ku nyumba ja Mlungu. (Sal 141:2) Mpaka tulosye kuti tukusawuwona unasi wetu ni Mlungu kuŵa wakusosekwa naga tukusayamichila yindu yakusatutendela, naga tukusamsalila yindu yatukusaka soni mwatukupikanila mu mtima. Nambosoni naga tukusamŵenda kuti atulongolele mkanitusagule yakutenda. Yili yisyene kuti Yehofa akusagawona mapopelo gakata gatukusapeleka pa misongano kuŵa mbali jakulambila kwetu. Nambope patukupopela kwa jika, Yehofa akusasangalala mnope naga tukumsalila yosope yayili mu mtima mwetu soni naga tukupopela kwa ndaŵi jelewu.—Mis 15:8.

ALOLELE FIDIYO JAKUTI NGUSANONYELA KUPOPELA, KANEKO AJANJE YIWUSYO AYI:

• Ana M’bale Johnson jwatesile mautumiki gapi?

• Ana M’bale Johnson jwalosyaga chamtuli kuti jwamdalilaga Yehofa?

• Ana ngani ja M’bale Johnson jajiganyisye chichi?