Ciwusyo: Ŵandu ŵane akusakayicila yakuti Yesu jwatemi pacilambopa, nambo ŵane ŵangakayicila. Ŵanesoni akusati ngakumanyilila yisyesyene yakwe. Ana wawojo akuganisya wuli?

Gaŵila: Magasiniji jikutagulila umboni wakulosya kuti jwalakwe jwatemi pacilambopa.

Ciwusyo: Ana cikusatendekwa cici mundu pawile?

Lilemba: Yoh. 11:11-14

Usyesyene: Mundu pawile nikuti umi wakwe umasile. M’yoyo ngatukusosekwa kogopa yiliyose yakusaŵeceta ŵandu kuti yikusatendekwa patuwile. Yesu jwaciwanicisye ciwa ni lugono. Mpela mwaŵatendele ni Lasalo, Yesu cacajimusya ŵakunonyelwa ŵetu ŵaŵawile kuti casangalale ni umi pacilambo capasi.—Yobu 14:14.

Gaŵila: Ngusaka kuti cayice kukupikanila ngani ja Baibulo kwalulele. Nganiji jiciŵecetedwa ku Nyumba jetu ja Ucimwene jakulambilila mu mkuli wunowuno. [Amgaŵile kapepelako, soni amlanjile ndaŵi ni malo gakutendela misongano jawo ja mpingo, akaliŵalila kumsalila mtwe wa nganijo.]

Ciwusyo: Ana pakwete paŵayice ku Nyumba jetu ja Ucimwene? [Naga akuyiwona kuŵa yakusosekwa mpaka amlosye fidiyo jakuti Ana ku Nyumba ja Ucimwene Kukusatendekwa Yatuli?]