Kutupiya Yakuŵeceta: Ngaŵa kuti akusosekwa kutagulila yosope pakutendesya lijiganyo lya Baibulo. Yesu ŵakamulicisyaga masengo yiwusyo kuti ŵakamucisye ŵandu ganisya soni kupikanicisya. (Mat. 17:24-27) Yiwusyo yikusakamucisya kuti lijiganyo lya Baibulo liŵe lyakamula mtima soni kuti wawojo amanyilile mwakupikanila jwakulijiganyajo (be-CN 253 ndime 3-4) Pawusisye ciwusyo ajembeceyeje mwakulitimalika kuti mundujo ajanje. Naga ajanjile mwakulemweceka, mmalo mwakwamba kumsalila kwanga kwakwe, kuli cenene kum’wusya yiwusyo yakonjecesya yakumlongolela kwanga mwakuŵajilwa.—be-CN 238 ndime 1-2

Kutagulila M’litala Lyakusawusya Kupikanicisya: Aŵambaleje kutagulila yosope yakuyimanyilila yakwamba nganijo. (Yoh. 16:12) Aŵiceje nganisyo syawo pa songa jekulungwa mu ndimejo. (be-CN 226 ndime 4-5) Konjecesya yine atamose yakuyiwona kuti yili yakusangalasya mpaka kusiŵe songa syakusosekwa. (be-CN 235 ndime 3) Naga jwakulijiganya apikanicisye songa jekulungwajo, ajawuleje ku ndime jine.

Kwamba Kutendesya Mwakuti Amalane Nayo: Cakulinga cawo ciŵeje kum’yika pamtima jwakulijiganyajo ngaŵaga kumalisya mtwewo. (Luk. 24:32) Akamulicisyeje masengo macili ga Maloŵe ga Mlungu mwakuŵalanga malemba gagakutagulila cenene nganijo. (2 Akoli. 10:4; Ahe. 4:12; be-CN 144 ndime 1-3) Akamulicisyeje masengo yisyasyo yangasawusya. (be-CN 245 ndime 2-4) Aganicisyeje yakusawusya yakusimana nayo jwakulijiganyajo, soni yikulupi yakwe, ni kucenga mwakamulana ni yeleyo. Am’wusyeje yiwusyo mpela ayi: “Ana akupikana wuli ni yatukulijiganyayi?” “Ana yeleyi yikutujiganya cici pakwamba ya Yehofa?” “Ana pana umbone watuli naga tukamulicisya masengo yeleyi?”—be-CN 238 ndime 3-5; 259 ndime 1