LIGONGO CICI KULI KWAKUSOSEKWA: Ndaŵi syejinji misongano jetu jikusatupa upile “ŵakumjimbila Yehofa,” soni “kumlumba” (Sal. 149:1) Patuli pamisongano tukusalijiganya kutenda lisosa lya Mlungu (Sal. 143:10) M’yoyo, ŵatukusalijiganya nawo Baibulo mpaka ajawule pasogolo mwacitema naga akusayika kumisongano.

MWAMPAKA TUTENDELE:

• Tukacelewa kum’ŵilanjila kumisongano. Ngatukusosekwa kwembeceya mpaka lijiganyolyo liyice pakutamilicika.—Ciu. 22:17

• Tumsalileje mundujo yacakayiwone soni kulijiganya kumisonganoko. Yindu ayi mpaka yitukamucisye: Kumpa kapepala kakuŵilanjila kumisongano, kumlosya kafidiyo kakuti, Ana ku Nyumba ja Ucimwene Kukusatendekwa Yatuli? Soni kutagulilana najo mtwe 5 ni 7 wa kabuku kakuti Lisosa lya Yehofa.

• Tumkamucisyeje. Ana mundujo akusosekwa kwela njinga kapena galimoto, mwinesoni kumsalila yakuwala yakuŵajilwa? Payice kumisonganoko tutame najo yalumo ni kamulicisyaga masengo yimpepe mabuku getu. Tummanyikasyeje kwa ŵane.