Naga tusimene mwanace pamlango, tumsalileje kuti tukusaka kuŵecetana ni acinangolo ŵakwe. Yeleyi yikusalosya kuti tukwacimbisya acinangolowo. (Miy. 6:20) Naga mwanacejo akutusalila kuti tujinjile, tukane. Naga acinangolowo kwangali, tuyicesoni ndaŵi jine.

Atamose kuti mwanacejo aŵe jwamkulungwa mpaka yiŵe cenene kuwusya ya acinangolo ŵakwe. Naga acinangolowo kwangali, komboleka kum’wusya naga akusamkunda kuŵalanga yindu yakusaka. Naga ajiticisye, mpaka tumpe kabuku soni kumsalila ya jw.org.

Patuwujilesoni kwa mwanace juŵalosisye lung’wanu, tum’wusyejesoni ya acinangolo ŵakwe. Yeleyi yicitupa upile wakwasalila ligongo lyatuyicile soni kwalalicila maloŵe ga m’Baibulo gakamucisya maŵasa. (Sal. 119:86, 138) Kwacimbicisya soni kwaganicisya acinangolo pajika kukusalosya kuti tukwete ndamo syambone, soni kucitupa upile wakulalicila ngani syambone ku liŵasa lyosopelyo.—1 Pet. 2:12.