CIPANJE CAKUSIMANIKWA M’MALOŴE GA MLUNGU | YOHANE 5-6
Tumkuyeje Yesu ni Yakulinga Yambone
Yesu paŵasalile ŵakumkuya ŵakwe ciwanicisyo cacaliji cakusawusya kwa jemanjajo kucipikanicisya, ŵane ŵalesile kumkuya. Lisiku limo panyuma pakwe, Yesu jwalisisye mwakusimonjesya ŵanduwo, yayalosisye kuti macili gakwe gatyocele kwa Mlungu. Sano ligongo cici ŵalesile kumkuya? Yikuwoneka kuti jemanjaji nganakola yakulinga yambone pa kumkuya Yesu. Jemanjaji ŵamkuyaga Yesu pakusaka kupata yindu yakucilu.
Jwalijose jwa m’weji akusosekwa kuliwusya kuti, ‘Ligongo cici ngusamkuya Yesu? Ana lili ligongo lya majali gangupata apano soni gacinjipata msogolo? Kapena ligongo lyakuti ngusamnonyela Yehofa soni ngusasaka kumcimbicisya?’
Ligongo cici mpaka tutenguce naga magongo getu gekulungwa gakumtumicila Yehofa gali gakuyicisyaga?
-
Tukusasangalala kuŵa yalumo ni ŵandu ŵa Mlungu
-
Tukusasaka citutame mu Paladaiso
