LIJIGANYO 27
Ana Chiwa cha Yesu Mpaka Chitukulupusye Chamtuli?
Achinangolo ŵetu ŵandanda, ŵali Adamu ni Hawa, nganampikanila Mlungu. Ligongo lya yeleyi, yakuyichisya yakwe yili yakuti, tuli ŵakulemwa, a tukusasimana ni yipwetesi soni tukusawaga. Nambope atamose yili myiyi tukwete chembecheyo. Yehofa jwatesile yakuti atukulupusye ku ulemwa soni chiwa mwakupeleka mwanache jwakwe Yesu Klistu. Baibulo jikusasala kuti kupitila mu chiwa chakwe, Yesu jwapeleche mbopesi jakutuwombola. Kumwombola mundu kukusagopolela kulipila mtengo wawukusosekwa pakusaka kumgopola mundujo. Myoyo mtengo wawasosekwaga kulipila Yesu, waliji umi wakwe wamlama. (Aŵalanje Mateyu 20:28.) Yesu paŵapeleche umi wakwe wamlama pachilambo chapasi, ŵakamuchisye ŵandu kuti akolesoni upile wakupata yindu yosope yaŵajasile Adamu ni Hawa. Yiŵatesile Yesuyi yikulosya kuti jwalakwe soni Yehofa akusatunonyela mnope. Lijiganyoli chilyakamuchisye kuti ayamichileje mnope yaŵatesile Yesu pakutuwila.
1. Ana chiwa cha Yesu chikusatukamuchisya chamtuli?
Tukusatenda yindu yejinji yangamsangalasya Yehofa ligongo lyakuti tuli ŵakulemwa. Nambope, patutesile chakulemwa, ni kulitendela chanasa soni kumŵenda Yehofa kuti atukululuchile kupitila mwa Yesu, ni kulingalinga kuti tukatendasoni chakulemwacho, nikuti mpaka tuŵesoni paunasi wakulimba ni Yehofa. (1 Yohane 2:1) Baibulo jikusati: “Klistu ŵawile kampepe ligongo lya ulemwa wetu, mundu jwakulungama kuwa mmalo mwa uwe ŵandu ŵakulemwa, kuti akatuyichisye kwa Mlungu.”—1 Petulo 3:18.
2. Ana chiwa cha Yesu chichitukamuchisya chamtuli kusogoloku?
Yehofa ŵamtumisye Yesu kukupeleka umi wakwe wamlama ni chakulinga chakuti “jwalijose jwakukulupilila mwa [Yesu] akawa nambo akole umi wangamala.” (Yohane 3:16) Tukusayamichila yaŵatesile Yesu. Yehofa pachangakaŵapa chatyosye yindu yosope yakusakala yayipali ligongo lya ungapikanila wa Adamu. Yayikugopolela kuti tuchikola upile wakusangalala ni umi mpaka kalakala pachilambo chapasi naga tukukulupilila mbopesi jiŵapeleche Yesu.—Yesaya 65:21-23.
KULIJIGANYA YEJINJI
Alijiganye yejinji kuti amanyilile ligongo lyakwe Yesu jwapeleche umi wakwe soni alole ligongo lyakwe yeleyi yili yakusosekwa kwa wawojo.
3. Chiwa cha Yesu chikusatugopola ku ulemwa soni chiwa
Alolele FIDIYO, kaneko akambilane chiwusyo achi.
-
Ana ni upile wapi waŵajasile Adamu ligongo lyangampikanila Mlungu?
Aŵalanje Aloma 5:12, kaneko akambilane chiwusyo achi:
-
Ana ulemwa wa Adamu ukwakwaya wawojo mwamtuli?
Aŵalanje Yohane 3:16, kaneko akambilane chiwusyo achi:
-
Ligongo chichi Yehofa ŵamtumisye mwanache jwakwe pachilambo chapasi?
-
Adamu ŵaliji mundu jwamlama jwanganampikanila Mlungu soni jwalakwe jwaŵisile ŵandu petala lya ulemwa soni chiwa
-
Yesu jwaliji jwamlama soni ŵampikanilaga Mlungu. Ligongo lya yeleyi ŵanduwe tukwete upile wakuŵa ni umi wamlama mpaka kalakala
4. Chiwa cha Yesu mpaka chakamuchisye ŵandu wosope
-
Ana mpaka yikomboleche chamtuli kuti chiwa cha mundu jumo chikamuchisye ŵandu wosope?
Aŵalanje 1 Timoteo 2:5, 6, kaneko akambilane chiwusyo achi:
-
Adamu ŵaliji mundu jwamlama juŵaŵisile ŵandu petala lya ulemwa soni chiwa. Yesu jwalijisoni jwamlama mpela muŵaŵelele Adamu. Nambo ana Yesu jwakombwele kutenda yamtuli?
5. Mbopesi ja Yesu jili mtuka wapeleche Yehofa kwa wawojo
Achimjakwe ŵa Yehofa akusakuwona kuwomboledwa kuŵa mtuka waŵapele Yehofa. Kuti amanyilile yejinji, aŵalanje Agalatiya 2:20, kaneko akambilane chiwusyo achi:
-
Ana Paulo jwalosisye chamtuli kuti jwakuwonaga kuwomboledwa kuŵa mtuka waŵampele Yehofa?
Adamu ali alemwisye yatendekasisye kuti ŵanache ŵakwe wosope aweje. Nambo Yehofa ŵamtumisye Mwanache jwakwe kukutuwila ni chakulinga chakuti wawojo akolesoni upile wakutama ni umi mpaka kalakala.
Pakuŵalanga mavesi gakuyichisyaga aganichisye muŵapikanilaga Yehofa kumwona mwanache jwakwe ali mkulagasika. Aŵalanje Yohane 19:1-7, 16-18, kaneko akambilane chiwusyo achi:
-
Ana akupikana uli mumtima pakuganichisya yaŵatendele Yehofa ni Yesu?
JWINE MPAKA ŴAWUSYE KUTI: “Ana mpaka yikomboleche chamtuli kuti mundu jumo ŵawile ŵandu wosope?”
-
Ana mpaka ajanje yamtuli?
YALIJIGANYISYE
Chiwa cha Yesu chikutukamuchisya kuti Yehofa atukululuchileje yakulemwa yetu. Chikusatupasoni upile wakutama ni umi mpaka kalakala.
Yiwusyo Yakuwilisya
-
Ligongo chichi Yesu jwawile?
-
Ana umi wa Yesu waŵawupeleche pakwawombola ŵandu, waliji wakulandana chamtuli ni umi wa Adamu?
-
Ana chiwa cha Yesu mpaka chakamuchisye chamtuli wawojo?
YAKULINGA YINESONI
Amanyilile ligongo lyakwe umi wamlama wa Yesu ukusamanyika kuti mbopesi jakutuwombola.
“Ligongo Chichi Mbopesi ja Yesu Jili ‘Jakwawombola Ŵandu Ŵajinji’?” (Ngani ja pa intaneti)
Amanyilile yakusosekwa kutenda kuti akulupuche.
“Ana Yesu Akusatukulupusya Chamtuli?” (Ngani ja pa intaneti)
Ana Yehofa mpaka atukululuchile yakulemwa yekulungwakulungwa?
“Kwanga kwa Yiwusyo ya m’Baibulo” (Sanja ja Mlonda, Meyi 1, 2013)
Alole yayamkamuchisye jwamlume jwine kuti akalagasikaga nganisyo ali alijiganyisye yakwamba mbopesi ja Klistu.
a Ulemwa nganikuŵa kwamba kutenda yindu yakusakalape. Nambo ukusapwatikaposoni mtima wakusachilila kutenda yindu yakusakala. Mtima welewu twajigalile kwa achinangolo ŵetu.
You May Also Like
YIWUSYO YAKUSANONYELA ŴANDU KUWUSYA
Ana Ljiganyo lya Baibulo Lyakusatendesya Ŵamboni sya Yehofa Likusatendekwa Mwamtuli?
Muyakambilana ni Ŵamboniyi akwete ufulu ŵakamulichisya masengo Baibulo jawo. Yili yakomboleka kwaŵilanga achimjawo soni ŵamwiŵasa mwawo kuti atende nawo lijiganyoli.
