Mwachisyasyo, kwende tulole yatite ŵane pakupindula ligongo lya kuŵalanga Baibulo soni kukamulichisya masengo yaŵalasileyo paumi wawo.

Fiona jwatite, “Umi wangu uli wambone. Kulekangana ni munyuma, apano kaganisye kangu kali kambone soni ngusayiwonaga yindu mwakuŵajilwa. Ndili jwakusangalala mnope.”

Gnitko jwatite, “Kulijiganya Baibulo kungamuchisye kuti mbate chakulinga chisyesyene cha umi.”

Andrew jwatite, “Apano umi wangu uli wambone mnope. Mmalo mwakumalila ndaŵi jejinji kumasengo, sambano ngusakola ndaŵi jejinji jakunguluka ni liŵasa lyangu.”

Pana yisyasyo yejinji yakulandana ni yeleyi. Ŵandu ŵajinji pachilambopa akusayiwona kuti Baibulo jili jakamuchisya mnope paumi wawo.

Kwende tulole yajikusatenda Baibulo pakwakamuchisya ŵandu pangani ja . . .

• Chilu chambone

• Nganisyo syambone

• Liŵasa soni kuŵa paunasi ni achimjetu

• Kakamulichisye masengo ka mbiya

• Kuŵa paunasi ni Mlungu

Ngani syakuyichisya chisitukamuchisye kumanyilila kuti Baibulo jili buku jakutyochela kwa Mlungu jampaka jitukamuchisye m’matala gejinji paumi wetu wa lisiku lililyose.