Mpaka Apate Lunda Lwakamuchisya
“Malemba gosope galembedwe ni Mlungu mwakupujila lipuje.” (2 Timoteo 3:16) Maloŵe gapalilembali gakulosya kuti Mlungu Jwamachili Gosope, ŵasalilaga ŵandu ŵaŵalembile Baibulo nganisyo syakwe.
Mlungu Akusaka Kuti Wawojo Akamulichisyeje Masengo Lunda Lwakwe
“Une ndili AMBUJE, Mlungu jwenu, jungusinamjiganya, kuti yindu yimjendele chenene. Ngusinamlongolela litala lyakwenela kulikuya. Mkambikanile malamusi gangu, Mtendele wenu ukamyichilile mpela mesi ga mu lusulo, chilungamo chikaliji kumwunichila ndaŵi syosope, mpela matumbela ga pa nyasa.”—YESAYA 48: 17, 18.
Maloŵega gakulosya kuti Mlungu akusasaka kuti wawojo akamulichisyeje masengo yindu yakusiŵajiganya. Jwalakwe akusasaka kuti akole mtendele wa mumtima soni kuti asangalaleje. Mlungu mpaka ŵakamuchisye kuti yeleyi yikomboleche.
Alijiganye Lunda Lwa Mlungu
“Ngani Syambone silongole kaje kulalichidwa kwa ŵandu ŵa mitundu josope.”—MALIKO 13:10.
“Ngani syambone” syelesi sili syakuti, Yehofa chachimasya yakusawusya yosope. Jwalakwe chachitenda yakuti chilambochi chiŵe paladaiso soni chachajimusya ŵachibale ŵetu ŵaŵawile. Ŵa Mboni sya Yehofa akusalalichila ngani syambonesi pachilambo chosope.
You May Also Like
SANJA JA MLONDA
Baibulo Jikusasala Yindu Yakudalilichika Soni Yisyesyene
Mpaka akole chikulupi chakuti yajikusasala Baibulo yili yakudalilichika.
