Kupwatika pa kulijiganya yakwamba Yehofa m’misongano jetu jamwanamwana soni jekulungwakulungwa, tukusalijiganyasoni yakwamba jwalakwe pajika soni m’maŵasa getu. Yakuyichisyayi yili yindu yine yampaka atende pakulijiganya pajika kapena pakulambila kwa peŵasa:

• Kukosechela misongano ja mpingo. Pandaŵi jeleji mpaka alijiganye nyimbo, nambosoni kwakamuchisya ŵandu wosope ŵa mwiŵasa mwawo kukosechela yakuja kwanga pamisongano.

• Kuŵalanga ngani ja m’Baibulo. Panyuma pakuŵalanga mpaka atende chenene kwambula chiwulili chakulosya yayikutendekwa mungani jaŵalasilejo kapena kulemba mfundo jinejakwe jalijiganyisye.

• Aŵalanje ngani syakusala ya mapopelo gagakusasimanikwa m’Baibulo, kaneko ni kuganichisya yampaka gajile mapopelogo pakwakamuchisya kongolela mapopelo gawo.

• Alolele gane mwa mafidiyo getu kaneko ni kukambilana ni ŵane yayili mu fidiyojo kapena kulemba yindu yajikulondesya fidiyojo.

• Kukosechela kulalichila. Mpaka atende yeleyi mwakulinjilila yampaka atende pakulalichila.

• Alole yindu yachilengedwe soni kuyiganichisya kapena kukambilana ni ŵane yayikwajiganya yinduyo pakwamba ya Yehofa. a