Liŵasa line lyalyaŵalangaga ngani jimo jakwamba mbili ja m’bale kapena mlongo kundaŵi kulikose, lyatite, “Ngani syatwaŵalangagasi syatutendekasyaga kuŵa ŵakusangalala mnope soni syatulimbikasyaga. Nganisi syatukumbusyaga kuti nombe uweji mpaka tupitilisyepe kuŵa ŵakulupichika payakusawusya yosope yampaka tusimane nayo.” Mlongo jwine juŵalipikanaga mwakulandana ni liŵasali jwalembile kuti, “Ngani syakwamba ya mbili sya abale ni alongo sili syakulimbikasya, syakamula mtima soni syakusangalasya mnope. Umi wa abale ni alongo ŵetu ukwete chakulinga. Ngani syawo silimbikasisye kuti ndende yejinji mu utumiki soni singamuchisye kwalimbikasya ŵanache ŵangu kuti amtumichile Yehofa mu utumiki wandaŵi syosope.”

Ngani syakwamba mbili sya umi wa abale ni alongo mpaka situkamuchisye kutenda yejinji pakumtumichila Yehofa, kumalana ni yakulepela yetu, kupilila mwakusangalala yakusawusya yatukusasimana nayo soni kutenda yindu mwaulemu. Ana nganisi mpaka asipate kwapi?

• Awungunye ngani syakuti “Mbiri za a Mboni za Yehova Ena” pa jw.org kapena pa JW Library®.

• Mpaka awungunyesoni ngani syakuti “Mbiri za a Mboni za Yehova Ena” pa Watchtower ONLINE LIBRARY.