Komboleka wawojo yikusiyasawusya kumbuchila yalijiganyisye mpela mwayiŵelele ni ŵajinji mwa m’weji. Nambotu mwine ŵayiweni kuti yikusaŵa yangasawusya kukumbuchila yindu yejinji yajwajiganyisye Yesu pakamulichisya masengo maloŵe gakuwanichisya. Mpaka tukombole kuyiganichisya soni kuyiwonaga munganisyo mwetu yindu yeleyi, yampaka yitukamuchisye kumbuchila yajwasasile jwalakwejo. Myoyo, mpaka akombole kumbuchila yalijiganyisye mwakuyiwona yakutendekwayo munganisyo mwawo. Mpaka atende yeleyi mwa kwambula yiwulili yakulondesya yindu yakulijiganyayo.

Ŵandu ŵakusajambula yiwulili pakulijiganya yineyakwe yasambano, ndaŵi syejinji akusakombola kuyikumbuchila chenene yalijiganyisyeyo. Kwambula kukusikwakamuchisya jemanjaji kupikanichisya yejinji kupwatikapo mfundo jekulungwa ja nganijo. Jemanjaji akusalinga kwambula yiwuliliyi m’litala lyangasawusya. Mwamti pana umboni wakulosya kuti litala lyeleli mpaka lyakamuchisye mnope ŵachikulile.

Myoyo, pachachilijiganyaga ngani jinejakwe chalinje kwambula yiwulili yakulondesya yindu yalijiganyisyeyo. Panyuma pakwe chachisimonga kuti akukombola kukumbuchila yindu yejinji.