Abale ni alongo ŵajinji akusakamulichisya masengo pologalamu ja JW Library^® pakukosechela misongano ja mpingo. Mwamti jemanjaji akusayamichila mnope ligongo ŵangalajililaga kupata mitwe ja ngani syakulijiganya sya mu Sanja ja Mlonda. Nambope, magasini jakulijiganya ja Sanja ja Mlonda jikusakolasoni ngani sine syakonjechesya syakamuchisya. Ana mpaka asipate chamtuli nganisi kuti apindule nasyo pakukamulichisya masengo JW Library?

• Chakumbesi kwa ngani jakulijiganya ja mu Sanja ja Mlonda, kukusaŵa kamtwe kakuti “Additional Reading.” Pasi pa kamtwe keleko atowanye palembile kuti “Other articles in this issue.” Pelepo mpaka alole mitwe josope jajili m’magasinijo, mpaka alolesoni kuti ngani jilijose jakulijiganya jikusawonechela soni jikusakola nambala jakwe. Mpaka atowanye ngani jakonjechesya jakusaka kuŵalangajo.

• Papeji jakutandila pa JW Library palembile kuti “What’s New,” mpaka atende dawunilodi Sanja ja Mlonda jilijose jasambano pajitandite kuwonechela. Kaneko mpaka awugule magasini jatesile dawunilodijo ni kuwugula pa yamkatimu kuti aŵalanje ngani syosope syasili m’magasinijo.