Baibulo jikusati m’mikuli jejinji m’Cilambo Celagucisye mwaliji yitela yejinji (1 Maf. 10:27; Yos. 17:15, 18) Nambo moŵa agano m’mikuli jejinji m’cilamboci mwangali yitela. M’yoyo, ŵandu ŵane akusakayicila yajikusasala Baibuloyi.

Buku jine jikusati kala ku Yisalayeli kwaliji yitela yejinji kupundana ni moŵa agano. M’matumbi gejinji mwaliji yitela yakulekanganalekangana mpela ya paini, soni yitela yine yekulungwakulungwa. Nambosoni mkuli wa Sefela, wawuli sikati ja matumbi ni nyasa ja Mediterranean mwaliji yitela yejinji ya mkuju.

Buku jinesoni jikusasala kuti moŵa agano mikuli jejinji ku Yisalayeli mwangali yitela yiliyose. Ana cici cacatendekasisye yeleyi?. Bukuji jasasile kuti yitelayi yamalaga panandipanandi. Jatitesoni kuti “Ŵandu ni ŵaŵajonangaga yitelayi pakusaka kupata malo gakulima, malo gakulisya yilango, kupata yitela yakutaŵila majumba, soni sasu.”