Ŵandu ŵajinji akusawaga caka cilicose ligongo lyakusoŵa cakulya soni ligongo lya ulwele. Atamose kuti yilambo yine yili yakusicila mnope, nambope ŵandu ŵajinji ali pausawuci wekulungwa. Baibulo jikusalosya kuti ŵandu aŵele ali mkulaga ni usawuci kutandila kalakala.—Aŵalanje Yohane 12:8.

Pakusosekwa boma jakulamulila cilambo cosope kuti jimasye usawuci. Boma jelejo jikusosekwa kola macili mnope kuti japeje ŵandu ŵapacilambo cosope yakusosecela yawo mwacilungamo, soni kumasya ngondo ligongo ngondosyo ni syasikutandisya mnope usawuci. Mlungu ŵatulagucisye ya boma mpela jelejo.—Aŵalanje Danieli 2:44.

Mlungu ŵamsagwile Mwanagwe, Yesu, kuti calamulileje ŵandu. (Salimo 2:4-8) Yesu cacakulupusya ŵali pausawuci soni cacimasya kulaga ni kuwulasyana kosope.—Aŵalanje Salimo 72:8, 12-14.

Mpela mujalocesye kala Baibulo, Yesu jwali “Mwenye jwa Mtendele” cacitamilikasya boma jamtendele. Pambesi pakwe ŵandu wosope pacilambo capasi cacikola nyumba syawo, cacisangalalaga ni masengo gawo soni cacikola yakulya yejinji.—Aŵalanje Yesaya 9:6, 7; 65:21-23.