M’mwesi wa Julayi 2022, pachilambo chosope papelechedwe malipoti gakusala ya nyengo jachitukuta:

•   Ŵakulola ya nyengo ŵa ku China, mmwesiwu ŵakalamwisye ŵandu kwa maulendo gakwana gaŵili kuti misinda chiŵandika 70 mutende chitukuta mnope.”—Julayi 25, 2022, CNN Wire Service.

•   “Ngalango syejinji ku Europe sikupya ni moto ligongo lyakuti nyengo ja chitukuta jajikuŵaga m’chilambochi jikusaŵa jachitukuta mnope.”—Julayi 17, 2022, The Guardian.

•   “Misinda jejinji ku United States jaŵele jachitukuta mnope kupundana ni kalakose, mpelaga mwayikusaŵelaga chawu ku East Coast nambosoni mbali sine sya ku South soni ku Midwest.”—Julayi 24, 2022, The New York Times.

 Ana yeleyi yigopolela chichi? Ana yili yakomboleka kutamaga pachilambopa? Ana Baibulo jikusasala yamtuli panganiji?

 Elo. Kutukutila kwa pachilambopa kukukamulana ni yajasasile Baibulo kuti kuchitendekwa masiku agano. Mwachisyasyo, Yesu jwasasile kala kuti “kuchiwoneka yindu yakutesya woga.” (Luka 21:11) Chitukuta chachikutendekwa pachilambopa chikwatendekasya ŵandu kuganisya kuti yakutenda ya ŵandu chiyijonanje chilambochi.

 Iyayi. Mlungu ŵapanganyisye chilambochi kuti atamejemo ŵandu mpaka kalakala. (Salimo 115:16; Jwakulalichila 1:4) M’malo mwakwakunda ŵandu kuti achijonanje chilambochi jwalakwe ‘chachajonanga wosope ŵakuchijonanga chilambo chapasi.’—Chiwunukuko 11:18.

 Alole yakulochesya yiŵilipe yele yikulosya yaŵasasile Mlungu kuti yichikwanilichikwa:

•   “Chipululu ni chilambo changali mesi yichisangalala, chilambo chejumu chichisengwa ni kusipuka maluŵa.” (Yesaya 35:1) Mlungu ngasakunda chilambochi kuti chiŵe changali ŵandu, nambo chachilinganyasoni malo gosope gagajonasiche.

•   “Ŵalakwe akusalosya chisamalilo chawo pa chilambo chapasi pakuchipa ula, akusachitendekasya kuti chiŵe cha chajila.” (Salimo 65:9) Ni upile wa Mlungu, chilambo chapasi chichiŵa paladaiso.

 Kuti amanyilile yayikuti kakwanilichikwe yajasasile Baibulo pakwamba yakuchenga kwa nyengo, aŵalanje ngani ja Chichewa ja mtwe wakuti, “Zomwe Baibulo Limanena pa Nkhani Yakusintha Kwa Nyengo Komanso Tsogolo Lathu.”

 Kuti amanyilile yakulochesya yajasasile Baibulo mwachichiŵelasoni chilambochi mpela muchaŵelele pandanda, aŵalanje ngani ja Chichewa ja mtwe wakuti “Kodi Ndi Ndani Amene Adzapulumutse Dzikoli?”