“Tulalichileje Ngani Syambone”
Msongano wa Mboni sya Yehofa wa 2024
Msonganowu uli walulele • Pangali kwendesya mbale ja mbiya
Yachitukalijiganye
Lyamsano: Tuchipata umboni wakuti ngani syambone syakwamba Yesu, syasili m’Mabuku ga Ngani Syambone sikusasala yisyesyene ya umi wakwe. Tuchimanyilila kuti kulijiganya ngani sya m’Baibulosi mpaka kutukamuchisye masiku agano.
Lyakuŵeluka: Tuchipata kwanga kwa yiwusyo yakuti, ana ni yakulochesya yamtuli yakwamba kupagwa kwa Yesu soni paŵaliji mwanache? Ana yakulochesyayi yakwanilichikwe wuli?
Lyamlungu: Ngani ja m’Baibulo ja mtwe wakuti “Ligongo Chichi Ngatukusosekwa Kogopa Ngani Syakusakala?” jichisala ligongo lyakwe ŵandu ŵajinji masiku agano ngakusajogopa soni akusakulupilila mnope kuti yindu yichiŵa chenene msogolo mwangasamala kandu kuti m’chilambomu yindu yikusakalilasakalilape.
Fidiyo Jekulungwa
Umi wa Yesu Soni Utumiki Wakwe: Mbali 1
Lilanguka Lisyesyene lya M’chilambo
Chindu chandanda chichatendekwe pandaŵi jele Yesu ŵaliji mwanache chaliji kupagwa kwakwe kwakusimonjesya. Achinangolo ŵakwe ŵamtichisye ku Iguputo nichakulinga chakuti akawulajidwa ni mwenye. Kaneko, achimlongola ŵa dini ŵasimonjile ni kajiganye ka Yesu. Chachilolela yeleyi soni yine mumbali siŵili sya fidiyo jekulungwa ja Lyamsano soni Lyakuŵeluka.
Alolele mafidiyo gakuyichisya ga msongano wa chaka achino
Ana Pamisongano Jetu Jekulungwakulungwa Pakusatendekwa Yamtuli?
Amanyilile yayikusatendekwa pamsongano wa Mboni sya Yehofa.
Mtwe wa msongano wa Mboni sya Yehofa wa 2024 wuli wakuti “Tulalichileje Ngani Syambone”
Alole yine mwa yindu yatuchilijiganya pa msonganowu.
Yayili mu Fidiyo Jekulungwa ja Mtwe Wakuti: Umi wa Yesu Soni Utumiki Wakwe
Ŵandu ŵajinji akusamanyilila yakuti Yesu ŵapagwile mwakusimonjesya. Nambo ana ni yindu yapi yakutesya chidwi yayatendekwe Yesu ali apagwile soni mkanaŵe kupagwa?