Koti ja m’boma ja Krasnogvardeyskiy ku Republic of Crimea pachamkaŵapa lisale chigamulo chakwe pamagambo ga M’bale Yuriy Gerashchenko soni Sergey Parfenovich. Loya jwakwimila boma pamagamboga chaŵechetepe chigamulo chakusaka kuti abaleŵa apochele.

Tukumanyilila kuti Yehofa chapitilisye kumkamuchisya Yuriy soni Sergey, nambosoni ŵandu wosope ŵakupitilisyape kuŵa ŵakulupichika, soni ‘ŵasise kusi kwa mapapiko gawo.’—Salimo 17:7, 8.

1. 19 Sepetemba, 2022

   Magambo ga M’bale Sergey gawugulidwe

2. 28 Sepetemba, 2022

   Ŵapolisi ŵa FSB, ŵapite kukuwungunya ku nyumba ja M’bale Sergey soni nyumba sine 8 kaneko m’baleju ŵapite kukumwugalila kundende kwandaŵi jamnono

3. 30 Sepetemba, 2022

   Sergey jwaŵichidwe mundende pajwajembecheyaga kwimbidwa magambo

4. 15 Nofemba, 2022

   Sergey ŵamkopwesye mundende kaneko ŵamsalile kuti akamule ukayidi wangatyoka panyumba

5. 22 Malichi, 2023

   M’bale Yuriy ŵamwugulile magambo. Jwataŵidwe, kummwusya yiwusyo ni kummŵika mundende kwandaŵi jamnono

6. 24 Malichi, 2023

   Yuriy ŵamkopyesye mundende kaneko ŵamsalile kuti akamule ukayidi wangatyoka panyumba

7. 12 Julayi, 2023

   Sergey soni Yuriy ŵagopoledwe paukayidi wangatyoka panyumba ni kusalilidwa kuti akajendaga maulendo gane

8. 28 Julayi, 2023

   Magambo gatandite kuŵechetedwa. Loya jwakwimila boma jwaŵechete kuti Che Sergey soni Che Yuriy akupitilisya “kutenda yindu yakasa malamusi nambosoni kusijogoya mboni sya koti.” Atamose kuti nganipasimanikwa umboni wuliwose, ŵakwelusya ŵagamwile kuti wosope aŵe paukayidi wangatyoka panyumba kaŵili