Chigawo cha Tamaulipas soni Nuevo León mchilambo cha Mexico

• Chimbungo chakogoya (Hurricane Hanna), chayiche dela ja kumpoto cha kungopoko lyuŵa kwa chilambo cha Mexico pa Julayi 26, 2020. Chimbungochi chatendekasisye kuti mesi gasewusile mnope m’delaji

• Pakusaka kulichenjela, maŵasa 14 gatyosile mu dela ja Nuevo León chimbungochi mkanichiŵe kwika

• Abale ni alongo ŵakwana 100 ŵa mu msinda wa Reynosa, m’chigawo cha Tamaulipas, ŵatyosile

• Nyumba syakwana 21 sya m’chigawo cha Nuevo León syajonasiche

• Nyumba syakwana 117 syajonasiche m’chigawo cha Tamaulipas

• Ofesi ja nyambi ja ku Central America jisagwile ŵandu kuti aŵe mukomiti jakamuchisya ŵandu ŵakulaga ni ngosiji

• Ŵakulolela dela ni achakulungwa ŵa mumpingo akulinganya yakuti nyumba syasikwayidwe ni mesi gakusewuchila asisamalile chenene kuti siŵe sya chasa

• Mu chigawo cha Nuevo León, ŵajinji mwa abale ni alongo ŵetu awujilesoni msimangwawo

• Mu chigawo cha Tamaulipas, mipingo jikwakamuchisya ŵandu ŵajakwayiye ngosiji mwakwapa yakulya soni yakuwala

Tukuyamichila Yehofa kuti pangali m’bale kapena mlongo jwawulele pa ngosiji. Chikamuchisyo chachikupelechedwa pakwakamuchisya ŵakulaga ni ngosiji, chikwamba kulosya kuti Atati ŵetu ŵakwinani nambosoni ŵandu ŵakwe ali “ŵakutukamuchisya pa ndaŵi ja yisawusyo.”—Salimo 46:1.