Luŵala lwa Magambo mu Boma ja Novosibirsk lyalili mu Chigawo chakolanjidwasoni Novosibirsk pachangakaŵa chilulamule magambo ga M’bale Valeriy Maletskov soni Mlongo Marina Chaplykina. Jwakwimila boma pa magambo nganaŵe kusala chilango chakusaka kuti ŵanduŵa apochele.

1. 2018

   Mundu jwine jwaŵalijiganyaga Baibulo soni juŵasimanikwaga pamisongano ja Mboni sya Yehofa, boma mkanijiŵe kulekasya masengo ga Mboni sya Yehofa, jwatandite kamulana ni ŵapolisi wa mu boma ja Novosibirsk. Jwalakwe jwasalilaga ŵapolisiŵa yejinji yakwamba ŵa Mboni sya Yehofa

2. Epulo 19, 2019

   Pakujigalila yaŵasalilaga munduju, ŵapolisiŵa ŵawungunyisye nyumba syakwana 6 sya ŵa Mboni sya Yehofa mu boma ja Novosibirsk. Ligongo lya yeleyi, M’bale Valeriy Maletskov soni Mlongo Marina Chaplykina ŵawugulile magambo. Wosopeŵa ŵataŵile nikwasunga m’chitolokosi kwakandaŵi

3. Epulo 21, 2019

   Wosopeŵa ŵakopwesye kumalo kula. Valeriy ŵamlamwile kuti aŵe kaje pa ukayidi wapanyumba, pele Marina Chaplykina ŵamlamwile kuti akajawulaga madela gane

4. Febuluwale 21, 2022

   Valeriy ŵampatile ni magambo gakulongolela masengo ga kagulu kakwimuchila boma, pele Marina ŵampatile ni magambo gakuti ŵapelekaga mbiya syakuti sikamuchisyeje kaguluka soni kuti ŵatendaga nawo yakakusatenda kaguluka

5. Malichi 30, 2022

   Luŵala lwa magambo lwatandite kwajimba magambo

Yili yangakayikasya kuti Yehofa akwapa majali soni kwachenjela abale ni alongo wetu ligongo lyakuti jemanjaji akupitilisya kupilila ŵane pakwalagasya.—1 Yohane 5:4.