Agambile kutumanyisya kwene kuti loya jwakwimila boma lina lakwe A. A. Shatunov, jwa ku ofesi ja boma ku Kursk atesile apilo kuti M’bale Dennis Christensen akakopoka mu ndende ndaŵi jakwe mkanijikwane. Atamose kuti maloya ga M’bale Dennis gapite ku luŵala lwa magambo kukudandaula ya nganiji, nambope chipajigale mawiki kuti luŵalalu lupikanile nganiji. M’bale Christensen amŵisilesoni mkachipinda kakulagachisya ŵandu, mwamti chatame mwelemo kwa masiku gakwana 10. Atamose kuti yinduyi yili yakugasya nganisyo, nambope m’bale jwetuju ali chenene. Tukuyamichila mnope ligongo lyakupitilisya kumpopelala M’bale ni Mlongo Christensen.