Pa Januwale 19, 2021, luŵala lwa magambo lwa mu msinda wa Kamchatka, lwakanile yakuti M’bale  Sergey Ledenyov atende apilo magambo gakwe. Yeleyi yikulosya kuti yalwalamwile luŵala lwandanda yakuti akasimanikwa jwakulemwa kwa yaka yiŵili chiyitande kukamula masengo apano. Jwalakwe ngajawula ku ukayidi pandaŵi ajino.

Luŵalalu mkanilulamule magamboga, M’bale Sergey ŵampele upile wakuti aŵechete. Jwalakwe jwaŵechete mwakulimba mtima kuti chapitilisye kumtumichila Yehofa. Jwatite, “Chikulupi changu nganichiŵa pasi pa ŵakulamula magambo kapena bungwe jine jakwe nambo chili chakutyochela m’Baibulo. Mwachisyasyo, ‘nyumba jilijose jikusataŵidwa ni mundu jwamtijwamti, nambo ŵiŵapanganyisye yosope ni Mlungu,’ mwamti ‘lina lyakwe ali Yehofa.’ (Ahebeli 3:4; Ekisodo 15:3, NWT) Pangali ŵakulamula [magambo] ŵampaka atyosye maloŵe gelega m’Baibulo soni mumtima mwangu.”