Pa Okotoba 26, 2020, luŵala lwa magambo ku Lgov lwakanilesoni kumkoposya mwachitema M’bale Denis Chiristense. M’baleju atemi mu ukayidi kwa yaka yakupunda yitatu. Jwalakwe akwete masiku 10 gakutenda apilo nganiji. M’baleju akusosekwa kumalisya ukayidi wakwe mu Meyi 2022. Ndaŵi jachatame mu ukuyidimu jikupwatikaposoni ndaŵi jatemi mu ukayidi pakwembecheya lisiku lyakumjimba magambo. Mwesi umasile achakulungwakulungwa ŵa ku ndendeku, ŵasasile kuti jwalakwe ali “jwakonanga mnope” malamusi ga kundendeku. Yeleyi yikulosya kuti achakulungwakulungwaŵa mpaka akane kupwatika masiku gatemi kala m’baleju mu ukayidi pakwembecheya kumjimba magambo.

M’bale Christensen soni ŵamkwakwe ŵali Irina apilile kwa ndaŵi jelewu yakusawusya yakulekanganalekangana kutandila pandaŵi jele ŵamtaŵile pa Meyi 25, 2017. Atamose yili myoyo jemanjaji akupitilisya kuŵa ŵakusangalala soni ŵakulimba mtima pakusimana ni yindu yakulinga chikulupiyi. Chindu chimo chachikusichalimbikasya mnope chili mapopelo gakwapopelela abale ni alongo pachilambo chosope.