Pa Okotoba 23, 2020, luŵala lwa magambo ku Oktybrsky lwaluli ku Kirov, lwasasile kuti M’bale Anatoliy Takarev ali jwakulemwa soni kuti akusosekwa kulipila mbiya syakwana madola 6,552 sya kwa America. Jwalakwe akwete masiku 10 gakutendela apilo ya nganiji.

Maloŵe gakwe gakumalisya gaŵaŵechete pa luŵala lwa magambolu, M’bale Tokarev jwaŵechete mwakulimba mtima kuti, “Yakutenda achakulungwakulungwa pa magamboga yili mpela akusalila kuti, ‘Naga ngamleka yikulupi yenu, . . . chimpochele chilango chakogoya soni ŵandu wosope chamanyilile yeleyi.’ . . . Ŵakuchimbichikwa, palisiku lyandanda lya magamboga, naŵechete maloŵe, nambo chinagaŵechetesoni. Uneji nganimba ndesile kuŵa jwakulupichika kwa Mlungu jwangu . . . . Ngumanyilila kuti mpela mwayiŵele ni jwa Mboni jwalijose, uneji mpaka andaŵe atamose kumbulaga kwene. Nambo achakulungwakulungwaŵa pakuŵecheta kuti ndili jwakwimuchila boma, atamose kuti nganindenda chakulemwa chilichose, nguyiwona kuti akunjonanjila mbili jangu. Ŵakuchimbikwa, atamose kuti ŵandu akundenda yeleyi, uneji nganimba namlesile Mlungu, yampaka yitendekasye kuti akanonyelaga.”