Pa Julayi 11, 2020, ndende ja ku Lgov jamsamichisye M’bale Dennies Christensen m’chipinda chakusatamaga akayidi wamba. M’baleju ŵamtyosisye m’chipinda chapajika chakusiŵalagachisya akayidi. Jwalakwe atemi m’chipindamo kwa masiku 15. Mpela mutwaŵechetele mu lipoti lyalipite lila, jwalakweju apochele chilangochi ligongo lyakumlambuchisya. Apano ali m’chipinda chakusatama akayidi wamba. Atamose yili myoyo M’baleju akupitilisya kuyiwona yindu mwakuŵajilwa. Ŵakumjimila M’bale Christensen pamagambo akuganisya yakuti akadandaule pakwamba yindu yaunami yamlambuchisyayi. Jemanjaji akukulupilila kuti yeleyi ngayisokonasya kuŵenda kwatesile kwakuti amgopole ndaŵi jakopochela mkanijikwane.