Pachangakaŵapa koti ja mumsinda wa Kurgan m’chigawo cha Kurgan, chilipeleche chigamulo chakwe pa magambo ga M’bale Anatoliy Isakov. Loya jwakwimila boma pa magamboga, chachilondesyape chilango chakusaka kuti m’baleju chapochele.

Tukusayamichila a Isakov ligongo lyakuŵa chisyasyo chambone pangani jakulimba mtima nambosoni pakulosya chikulupi atamose kuti akusimana ni yakusawusya yejinji. Soni m’weji tuli ŵakuyamichila kwejinji kumanyilila kuti chinga tusimane ni yamti uli paumi wetu, Yehofa chachipitilisya yisyene chisyasyo chambone cha M’bale Anatoliy pangani jakupilila soni kukola chikulupi chakulimba mwangasamala kandu ya yakusawusya yaŵele mkusimana nayo chili chakulimbikasya. Nambosoni tuli ŵakuyamichila kuti mwangasamala kandu ni yakusawusya yampaka tusimaneje nayo, Yehofa chachipitilisya kuŵa ‘machili ga mtima wetu.’—Salimo 73:26.

1. 13 Julayi, 2021

   Ŵawugulile magambo

2. 14 Julayi, 2021

   Ŵapolisi ŵapite kukuwungunya m’nyumba mwawo. Ŵaŵichidwe mundende kwa kandaŵi kamnono

3. 15 Julayi, 2021

   Ŵasamichisye kundende pakwembecheya kwajimba magambo

4. 21 Julayi, 2021

   Ŵatesile apilo ku Dipatimenti Jakulola Yaumi wa Ŵandu ja m’chigawo cha Kurgan kuti ŵagopole ni chakulinga chakuti akapocheleje chikamuchisyo cha mtela wa ulwele wa kansa

5. 28 Ogasiti, 2021

   Ŵakopwesye mundende pakwembecheya kugamula magambo gawo, Koti Jakulola ya Ufulu wa Ŵandu ku Europe, jili jigamwile nambo ŵalekasisye kwawula m’madela gane

6. 6 Julayi, 2023

   Magambo gatandite kwimbidwa