Bungwe jakulola mkamulano wa yilambo ya ku Europe (European Union) yalumo ni chilambo cha United States yilembile yikalata yakujidandawula boma ja Russia pa yajikutenda pakwalagasya ŵa Mboni sya Yehofa. Yikalatayi yikulosya kuti yajasasile boma ja Rassia yaliji yaunami. Bomaji jasasile kuti atamose kuti maofesi ga Mboni sya Yehofa gawugalidwe, nambo yeleyi ngayikwaya ufulu wawo wakulambila. Bungweji jasasile kuti, “Yajisasile bomaji [Russia] kuli kulisisya jika.” Pakulola yajisasile boma ja Russia soni yajikutenda pakwalagasya ŵa Mboni sya Yehofa, chilambo cha United States chasasile kuti, “Yakutendayi yikulekangana ni yaŵasasile.”

Boma ja Russia jiŵisile mu ndende achalume 8 ŵa Mboni sya Yehofa, mwamti apano akuwungunya magambo gakwana 12 misinda 11. Atamose kuti bomaji jikupitilisya kusumula katundu jwa abale ŵetuŵa, nambope yayikutukwaya mnope yili kulagasidwa kwa Aklistuŵa ligongo lya chikulupi chawo.

Bungwe jakulola ya mkamulano wa yilambo ya ku Europe soni chilambo cha United States jiŵendile boma ja Russia kuti jichimbichisyeje mfundo syajajitichisye kuti chijikuyeje. Mfundo syakwe sili syakwayana ni ufulu wakuŵecheta nganisyo syakwe, ufulu wakukuya yawukusakulupilila, soni ufulu wa dini.

Yikalatayi mpaka ayipate apa:

https://www.osce.org/permanent-council/381820

https://www.osce.org/permanent-council/381823