Chilambo cha South Korea chitandile kunda kuti ŵandu ŵakusakana kwinjila masengo ga usilikali ligongo lya dini kapena yikulupi yawo, komboleka kukamula masengo gane m’malo mwa masengo ga usilikali. Pa Okotoba 26, 2020, abale ni alongo ŵakwana 63 ŵajitichisye kamula masengoga. Mwamti ŵatandite kukamula masengo gachagakamule kwa yaka yitatu. Jemanjaji chakamuleje masengoga pa ndende jine kweleko. Masengo gakwe gakupwatikapo kuteleka yakulya, kusuma yindu, kwajiganya ŵandu, kupeleka chikamuchisyo chakwayana ni chasa soni yachipatala. Konjechesya pelepa chalinganyejesoni yindu yejonasiche. Mwakamulana ni malamusi gasambanoga, abale chiŵakundeje kwawula ku misongano ja mpingo kapena kukulalichila pakamwile masengoga kwa miyesi jiŵili, soni chatendeje yeleyi pamalisisye masengo gawo gapalisiku. Paŵakundile kuti ajawule, chasosekweje kuti awujilesoni pandaŵi ja 9 koloko chilo.

M’bale Kim Hyun-soo jwali jumo mwa abale 63, jwatite, Atamose kuti masengoga ngagakutendekwa mwakuya malamusi gakwe gosope, une ngundile kamula masengoga ligongo lyakuti masengoga ngagakukwayana ni ya usilikali.

Tukukulupilila kuti ŵachinyamata ŵetu ŵali ŵakulupichika ku South Korea, chapitilisye kutenda yindu yakumchimbichisya soni kumlumba Yehofa kupitila mu “masengo gawo gambone.”—Mateyu 5:16.