Abale ni alongo ŵetu mmisinda ja Mariupol, Kharkiv, Hostomel soni misinda jine, akupitilisya kusimana ni yakusawusya ligongo lyakuwulisidwa kwa mabomba m’chilambo cha Ukraine. Yeleyi yitendekasisye kuti kwa wiki, ŵane akatyoka m’nyumba syawo. Nombe nayo yakulya yitandite kumala, magesi gakusimasima. Intaneti soni mafoni ngayikamula chenene masengo. Yeleyi yitendekasisye kuti yiŵeje yakusawusya kuŵechetana ni abale ni alongo ŵetu.

Yakutesya chanasa yili yakuti M’bale Dmytro Rozdorskyi, jwayaka 28 juŵalijisoni jwamkulungwa jwa mumpingo ŵajasiche ligongo lyakuwulala mnope ali aliŵete bomba. Tukwapopelela abale ŵetu ŵajasile ŵakunonyelwa ŵawo soni ŵakutama ku malo kwele asilikali akugundiche kuwulisya mabomba.—2 Atesalonika 3:1.

Pakwikanaga pa Malichi 7, 2022, tupochele malipoti ga yiŵalanjilo yakuyichisyayi kutyochela ku Ukraine:

• Ŵakulalichila ŵetu ŵaŵili awile

• Ŵakulalichila ŵakwana 8 awulele

• Ŵakulalichila 20,617 atilile m’madela gane ga m’chilambocho

• Nyumba 25 sigumulidwe

• Nyumba 29 sijonasiche mnope

• Nyumba 173 sijonasiche panandi

• Nyumba sya Uchimwene 5 sigumulidwe

• Makomiti 27 gakamuchisya pangosi gakukamula masengo gakwe ku Ukraine

• Makomitiga gakamuchisye ŵakulalichila ŵakwana 6,548 kupata malo gambone gakutama

• Ŵakulalichila 7,008 atilile m’yilambo yine soni achalongo achimjawo m’chikulupi akwakamuchisya ŵakulalichilaŵa

• Nyumba jakutendela misongano jekulungwakulungwa soni Nyumba sya Uchimwene 30 m’madela ga Chernevtsi, Ivano-Frankivsk, Lviv, soni Transcarpathian m’chilambo cha Ukraine ayitesile kuŵa malo gakwapochelela ŵandu ŵakutila ngondo