Kummwela cha kungopoko lyuŵa kwa United States

• Chimbungo chakuwutuka mnope chayiche mu dela ja Louisiana pa Okotoba 28, 2020. Chimbungochi chijonasilesoni yindu kummwela cha kungopoko lyuŵa kwa chilambo cha United States

• Chimbungochi chijonasile mnope madela ga mungulugulu nyasa. Yeleyi yitendekasisye kuti nyumba sijonasiche soni kuti kukaŵa magesi

• Ŵakulalichila ŵakwana 324 asamile m’nyumba syawo

• Jwakulalichila jumo jwawulele panondi

• Nyumba 291 soni Nyumba sya Uchimwene syakwana 14 sijonasiche panandi

• Nyumba 8 soni Nyumba sya Uchimweme sitatu sijonasiche mnope

• Nyumba jimo jagwile

• Achakulungwa ŵa mumpingo soni ŵakulolela madela akwalimbikasya mwausimu soni kupeleka yindu yakusosechela kwa abale ni alongo ŵetu ŵajakwayiye ngosiji. Makomiti gakamuchisya ŵandu pangosi gaŵagasagwile kuti gapelecheje yikamuchisyo yakwayana ni Mlili wa COVID-19 soni pachatesilesoni chimbungo chine, gakupitilisya kwakamuchisya ŵakulaga ligongo lya chimbungochi. Makomitiga gakukuya malangiso gakuliŵambasya ku mlili wa COVID-19.

Yikutukwaya mnope kupikana kuti abale ni alongo ŵetu akulaga mnope ligongo lya chimbungochi. Nambo chinonyelo changamala cha Yehofa chikuwonechela kupitila pachikamuchisyo chakupochela abale ni alongo ŵetu.—Salimo 89:1