Louisian soni kummwela chakungopoka lyuŵa kwa Texas

• Chimbungo chakuwanganichilana ni ula chachiyiche kummwela cha kungopoko lyuŵa kwa Louisian pa Okotoba 9, 2020. Chimbungochi chitendekasisye kuti yindu yine yijonasiche kupwatika pa yindu yachajonasilesoni chimbungo chine chachayiche mu delaji.

• Chimbungo chamachilichi, chiyikasisye ula jajitendekasisye kuti mesi gejinji gasewuchile soni chijonasile magesi mu delaji.

• Abale ni alongo 1,583 atyosile m’delaji

• Nyumba 216 soni Nyumba sya Uchimwene 16 sijonasiche panandi

• Nyumba 7 sijonasiche mnope

• Nyumba sitatu sigwile

• Ŵakulolela madela akulumbikana ni achakulungwa ŵa mumpingo ŵa mu delaji ni chakulinga chakuti abale ni alongo apochele chikamuchisyo cha yakulya, mesi, pakutama ni yindu yine yakusosechela paumi wawo. Chikamuchisyochi chikupelechedwa ni komiti jakamuchisya pangosi jachilengedwe jajisagulidwe pachangakaŵapa ligongo lya chimbungochi. Abale ni alongo akupitilisya kupikanila mwakusamala malangiso gagakupelechedwa gakwayana ni COVID-19

Achakulungwa ŵa mumpingo ŵa mu delaji, akupitilisya kwalimbikasya abale ni alongo. Jwakulungwa jwa mumpingo jwine jwasasile kuti, “Yili yakulimbikasya mnope kwiwona kuti Yehofa akupitilisya kwapa machili abale ni alongo. Ngatukukayichila kuti Yehofa akwapa ‘machili gakupunda gachipagwa.’”—2 Akolinto 4:7, NWT.

Tukumyamichila mnope Yehofa ligongo lyakuti akupitilisya kuŵa “malo gakutililapo” kwa abale ni alongo ŵetu ŵajakwayiye mbungo jamachiliji.—Yesaya 4:6.