Gubin e pi tapigpig rok Jehovah nrayog rorad ni ngar rin’ed boch e maruwel nib fel’ ndabi pagtalin Got. Bod rogon reb e gallabthir nib t’uf fak rok nib ga’ fan u wan’ e tin nib fel’ ni ke rin’ fak. Ere ku aram rogon Jehovah ndabi pagtalin e maruwel rodad nge rogon ni ud daged nib t’uf fithingan rodad. (Mt 6:20; Heb 6:10) Machane ra bagadad mab thilthil e n’en nrayog ni nge rin’ nge rogon e yafos rok. Ma faan gad ra pi’ e tin th’abi fel’ rodad ko pigpig ni gad be tay ngak ma gad ra felfelan’. (Ga 6:4; Kol 3:23) U lan e pi duw ni ke yan ma bokum biyu’ e walag ni kar pigpiggad u Bethel. Gur, rayog ni ngam ognagem ni ngam pi’ e ayuw u Bethel? Ma faanra dabiyog, ma gur, rayog ni ngam pi’ e athamgil nga laniyan’ yugu reb e walag ni nge rin’ e re n’ey? Ara reb e ngam pi’ e ayuw ngak be’ ni ma un ko maruwel u Bethel ni nge ulul ko re maruwel ney?

NGAN YALIY FARE VIDEO NI KENGGIN E MAKING YOURSELF AVAILABLE FOR BETHEL SERVICE, NGEMU’ MIN PI’ E FULWEG KO PI DEER NI BAARAY:

• Mang e n’en nthingari k’aring reb e walag ni nge adag ni nge pigpig u Bethel?

• Mang boch ban’en ni ma yog boch e walag u murung’agen e tow’ath ni ma yag ko maruwel ni yad be tay u Bethel?

• Mang boch ban’en nthingari yag rok reb e walag ni nge rin’ me bung rogon ni nge pigpig u Bethel?

• Uw rogon nrayog ni ngam fal’eg reb e babyor ni ma ngongliy e piin ni yad baadag ni ngar uned ko maruwel u Bethel?