PI N’EN NI MA RIN’ E PIIN KRISTIANO
Ngad Mon’oggad ko Machib—Ngam Puluwnag Rogon ni Ngam Machibnag e Girdi’ Ya Ngar Adaged ni Ngar Motoyilgad Ngom
FAN NIB GA’ FAN: Be pining e pi Kristiano ni kan dugliyrad nge piin ni yad yugu boch e saf gubin e girdi’ ni ngar feked fare “ran ko yafos” ndariy puluwon. (Re 22:17) Re ran ney nib fanathin e be yip’ fan gubin e pi n’en ni pi’ Jehovah nra ayuweg e piin yad ma fol rok ni ngar chuwgad u tan gelngin e denen nge yam’. Ere faanra nge yag ni ngad ayuweged gubin e girdi’ nib thilthil e yalen rorad nge tin nib mich u wan’rad, mab t’uf ni ngad weliyed fare “Thin Nib Fel’” nra yibnag e yafos ni manemus ngorad u reb e kanawo’ nra puluw ko n’en ni baadag be’ nge be’.—Re 14:6.
ROGON NI NGAN RIN’:
-
Mmel’eg reb e thin nu Bible nge reb e ban’en nra adag e piin yad bay ko gin ni ga be machib riy. Rayog ni ngam fanay reb ko pi kanawo’ u rogon ni gad ma non ko girdi’ nrogon ni bay ko fare babyor ko muulung, ara ngam fanay yugu reb e kanawo’ ni kaam fanay ni ke yib angin. Mang boch ban’en ni kan weliy murung’agen nge boch e thin nu Bible ni baadag e girdi’ ni ngar motoyilgad ngay? Bay ban’en ni ka fini buch ni be weliy e girdi’ murung’agen ma yad be lemnag, fa? Mang boch ban’en nra adag e piin nib pin nge piin pumoon ni ngar motoyilgad ngay?
-
Nap’an ni ga ra non ngak e girdi’ mab fel’ ni ngaum mog boch e thin nib ga’ ni yima yog ko girdi’ u nap’an ni yira mada’nagrad ko yay nsom’on ko binaw ni ga ma par riy.—2Ko 6:3, 4
-
Ba t’uf ni ga ra nang ko mang babyor ara video ni bay ko fare Tafen Talin e Maruwel ni Yima Fanay ni Ngan Fil Ban’en ko Girdi’ ya nge yag ni ngam pi’ ara mu dag ku be’ ni be motoyil ngom
-
Mu downloadnag boch ban’en ni bay ko thin rok e piin ni ga ra mada’nagrad u nap’an e machib
-
Mu puluwnag e n’en ni ga ra weliy ko n’en nib t’uf rok e en ni ga be machibnag. (1Ko 9:19-23) Bod ni, faanra ke yog be’ ngom ni ka fini yim’ be’ nib t’uf rok, ma mang e ba fel’ ni ga ra yog ngak?
NGAN YALIY E RE VIDEO NEY NGEMU’ MIN PI’ E FULWEG KO PI DEER NI BAARAY:
-
Mang e n’en ni tabab fare walag ni nge weliy murung’agen ko en ni be machibnag?
-
Mang e be buch u lan e yafos rok facha’ ni yibe machibnag?
-
Mang thin nu Bible u fithik’ fapi verse e ir e bin nib puluw ni ngan weliy, ma mang fan?
-
Uw rogon ni ga ma puluwnag e n’en ni ga ra weliy ko girdi’ ya nge adag e piin ni yad bay ko gin ni ga be machib riy ni ngar motoyilgad ngay?
