PI N’EN NI MA RIN’ E PIIN KRISTIANO
Ngar ni Son u Fithik’ e Gum’an’
Uw n’umngin nap’an ni kam par ga be sonnag Gil’ilungun Got? Gur, ga be athamgil u fithik’ e gum’an’ ni yugu aram rogon ni ga be yan u fithik’ e gafgow? (Ro 8:25) Boch e piin Kristiano e yima fanenikayrad ma yibe gafgownagrad, ma yibe yin’rad nga kalbus, maku boch i yad e yibe thang e fan rorad. Ku bay boch i yad ni be athamgil u fithik’ e m’ar nib ubchiya’ ara kar pilibthirgad.
Mang e ra ayuwegdad ni ngad athamgilgad ngad songad ni yugu demtrug e miti magawon ni gad be mada’nag? Thingari par e michan’ rodad nib gel ni aram e ngad beeged e Bible ni gubin ngiyal’ ma ngad fal’eged i lemnag e n’en ni gad be beeg. Maku thingar da tedan’dad ko athap rodad. (2Ko 4:16-18; Heb. 12:2) Thingar da meybilgad ngak Jehovah ngad weniggad ngak ni nge pi’ gelngin nib thothup ngodad. (Lu 11:10, 13; Heb 5:7) Chitamangidad ni bay u Tharmiy ni gadad ba t’uf rok e rayog ni nge ayuwegdad ni ngad pared ni gad ba felfelan’ ma gad athamgil u “fithik’ e gum’an’.”—Kol 1:11.
NGAN YALIY FARE VIDEO NI KENGGIN E WE MUST “RUN WITH ENDURANCE”—BE CONFIDENT OF GAINING THE PRIZE, NGEMU’ MIN PI’ E FULWEG KO PI DEER NI BAARAY:
-
Mang boch ban’en ndan lemnag nrayog ni nge buch u lan e yafos rok be’?
-
Uw rogon nra ayuwegdad e meybil u nap’an ni gad ra mada’nag e magawon?
-
Faanra dabkiyog ni ngad rin’ed e tin ni ud rin’ed kafram ni fan ko pigpig rodad ngak Jehovah, ma mang fan nthingar da tiyan’dad ko tin ni ku rayog rodad?
-
Mang e be ayuwegem ni ngam par nib pagan’um nra yag fare tow’ath ngom ni aram e yafos ni manemus boch nga m’on?