Ga baadag ni ngam yoornag e n’en ni ga be rin’ ni fan ko pigpig rom ngak Jehovah u m’on ngu tomuren e Puguran, fa? (2Ko 5:14, 15) Nap’an e pul ni March nge April, ma rayog ni nge mel’eg be’ ni nge un ko pioneer ni ayuw ni nge thognag 30 ara 50 e awa. Faanra rayog ni ngam rin’ e re n’ey, mag fal’eg reb e application ngam pi’ ko Congregation Service Committee. Gubin e pul ni yira yog fithingan e piin yad ra un ko pioneer ni ayuw u nap’an e muulung. Fan ni yira rin’ e re n’ey e bochan ni nge nang e pi walag murung’agen mar lemnaged rogon ni ngar pied e ayuw ngak e piin yad ra un ko pioneer ni ayuw ni ngar thognaged e awa rorad. Manga yugu da athamgilgad ni gad gubin ngad uned ko pioneer ni ayuw u m’on ngu tomuren e Puguran, ya nge yag nda mon’ognaged rogon e machib ni gad be tay me bagadad me pi’ e athamgil nga laniyan’ bagadad.​—1Th 5:11.