Gad be par u ba fayleng ni girdi’ riy e yad ma k’aringdad ni ngad lemnaged ni tin nib kireb e ba fel’ ma tin nib fel’ e ba kireb. (Isa 5:20) Ba gel e kireban’ riy, ya bay boch e girdi’ ni yad ma rin’ boch e ngongol nib fanenikan Jehovah nib muun ngay e par u thilin e pumoon nge pumoon nge ppin nge ppin. Bay boch e fel’ yangaren nge yugu boch e girdi’ ni yad ma towasariy yugu boch e fel’ yangaren u skul ni ngar uned ngorad i rin’ e pi ngongol ney. Ere uw rogon ni ngam ayuweg pi fakam ni ngar gelgad ko pi skeng ney?

Mu fil ngorad e pi motochiyel rok Jehovah. (Le 18:3) Mu fil ngorad e n’en be yog e Bible u murung’agen e par ko pumoon nge ppin ni buchuuw ma buchuuw ni be yan u rogon yangarrad nge n’en nra yag ni ngar nanged fan. (De 6:7) Mu fithem ni nge lungum: ‘Kug fil ngak pi fakag e bin nib puluw e kanawo’ ni nge dag l’agruw ni’ e t’ufeg rorow ngorow, nge rogon yalen e munmad, nge fan nib t’uf ndab ra paged be’ ni nge rin’ ban’en ngorad ndawor ra pied mat’awun, fa? Manang pi fakag e n’en ni ngar rin’ed u nap’an nra guy be’ rogon ni nge dag yaan e ngongol ni puwlag ngorad ara yog ngorad ni ngar rin’ed ban’en ndabun Jehovah, fa?’ Ba t’uf ni ngan fil e pi n’ey ngorad u m’on riy ya nge yag ni ngar siyeged boch e magawon nrayog ni nge buch. (Pr 27:12; Ek 7:12) Faan ga ra skulnag pi fakam, ma aram e ga be dag nib ga’ fan u wan’um e tow’ath rom ni ke pi’ Jehovah.​—Ps 127:3.

NGAN YALIY FARE VIDEO NI BUILD A HOUSE THAT WILL ENDURE​—SAFEGUARD YOUR CHILDREN FROM “WHAT IS EVIL,” NGEMU’ MIN PI’ E FULWEG KO PI DEER NEY:

• Mang fan ni ma magagawon boch e girdi’ ni ngar filed ngak pi fakrad murung’agen e par ko pumoon nge ppin?

• Mang fan nthingari fil e piin gallabthir ngak pi fakrad rogon ni ngar ngongolgad “nrogon girdien Kristus”?​—Efe 6:4

• Mang boch ban’en ni ke pi’ e ulung rok Jehovah ni nge ayuweg e piin gallabthir ni ngar filed ngak pi fakrad murung’agen e par ko pumoon nge ppin?​—w19.05 12, kahol

• Mang fan nsusun e nge fel’ e numon u thilmed pi fakam u m’on ni nge sum e magawon?