Mang fan nsusun e nga mog ko gallabthir rom e n’en ga be lemnag? (Pr 23:26) Bochan ni ke tayrad Jehovah ni ngar ayuweged mar pow’iyed gur. (Ps 127:3, 4) Faanra dab mog ngorad e n’en ga be lemnag ara n’en be magawonnag lanin’um, ma aram e dabiyog ni ngar ayuweged gur, maku dabiyog ni ngam fil ban’en ko tin ke buch u lan e yafos rorad. Machane gur, ba kireb ni ngam tay boch ban’en rom ndab mog, fa? Danga’, ni faanra gathi ga be guy rogon ni ngam bannag e gallabthir rom.​—Pr 3:32.

Ere, uw rogon ni ngam non ko gallabthir rom? Mmel’eg ba ngiyal’ nib fel’ ni ngam nonad riy. Faanra ba mo’maw’ ngom e re n’ey, ma rayog ni ngam yoloy e babyor ngam pi’ ngorow ni ga be weliy rogon lanin’um riy. Machane uw rogon ni faanra yow baadag ni ngam weliyed ban’en ndabum ni ngan weliy? Dab mu pagtalin ni yow baadag ni ngar ayuwegew gur. Ngam lemnag ni yow e fager rom ma gathi yow e toogor rom. Rogon e athamgil ni ga be tay ni ngam weliy lanin’um ko gallabthir rom e ra yib angin ngom e chiney i yan ngaram!​—Pr 4:10-12.

NGAN YALIY FARE VIDEO NI MY TEEN LIFE​—HOW CAN I TALK TO MY PARENTS? NGEMU’ MIN PI’ E FULWEG KO PI DEER NEY:

• Mang e nang Esther nge Partik u rarogorow?

• Mang e rayog ni ngam fil ko n’en ni rin’ Jesus?

• Uw rogon ni ke dag e gallabthir rom ni yow ma lemnagem?

• Mang boch i kenggin e motochiyel u Bible nrayog ni nge ayuwegem u rogon ni ngam non ko gallabthir rom?