Gur, gubin ngiyal’ ni manang Jehovah e n’en nib fel’ ni fan ngodad, fa? Arrogon! Ra mich e re n’ey u wan’dad, ma aram e gad ra fol u rogon ni be pow’iydad me m’ug ni gad ba gonop. (Pr 16:3, 9) Machane faanra ba thil e n’en be yog ni ngad rin’ed ko n’en gad be lemnag, ma re n’ey e ra skengnag rogon e pagan’ rodad ngak. Rayog ni ngad gelnaged e pagan’ rodad ko gonop rok ni faan gad ra fal’eg i lemnag e tin ke sunmiy.​—Pr 30:24, 25; Ro 1:20.

NGAN YALIY FARE VIDEO NI WAS IT DESIGNED? HOW DO ANTS AVOID TRAFFIC JAMS? NGEMU’ MIN PI’ E FULWEG KO PI DEER NEY:

• Mang e ma rin’ yooren e apurgog ni gubin e rran?

• Mang e ma rin’ e pi apurgog ya nge dab ra chafingad nga taabang?

• Mang e rayog ni nge fil e girdi’ u rogon ni ma yan e pi apurgog u bang nga bang?

NGAN YALIY FARE VIDEO NI WAS IT DESIGNED? THE BUMBLEBEE’S FLIGHT CONTROL, NGEMU’ MIN PI’ E FULWEG KO PI DEER NEY:

• Mang magawon e ma mada’nag e girdi’ u nap’an ni yad be kol e yap’ u ba sikoki nib achig?

• Nap’an nra gel e nifeng, ma mang e ma rin’ ba mit e ngul ni ka nog e bumblebee ngay ya nge dab ra uned ko nifeng?

• Mang e rayog ni nge rin’ e girdi’ boch nga m’on ni bochan e n’en kar filed u rogon feni gonop e pi ngul ni ka nog e bumblebee ngay?

Mang ban’en ni kam guy ko pi n’en kan sunmiy ko gin ga ma par riy ni be m’ug riy rogon e gonop rok Jehovah?