Muulung ni gad ma tay e aram bang ko bin riyul’ e liyor nib ga’ fan. (Ps 22:22) Gubin e piin yad ma muulung nga taabang ni ngar liyorgad ngak Jehovah e yad ma pirieg e felfelan’ ma yima tow’athnagrad. (Ps 65:4) Ba papey nra mon’og e piin yad be fil e Bible ko tirok Got ban’en ni faanra ur uned ko muulung ni gubin ngiyal’.

Uw rogon nrayog ni ngam ayuweg e piin ga be fil e Bible ngorad ni ngar uned ko muulung? Um par ma ga be piningrad. Mu dag fare video ngorad ni Mang e Yima Rin’ ko Pi Tagil’ e Liyor Romad? Kum weliy ngorad angin e muulung ni gad ma un ngay. (lff lesson 10) Rayog ni ngam weliy ban’en ni kam fil u nap’an e muulung ara mog e n’en yira fil ko yay ni migid e muulung. Mu pi’ ngorad e pi babyor ni yira fil u nap’an e muulung, mu kum ayuwegrad ko tin nib t’uf rorad. Sana ba t’uf ni ngan ayuwegrad ni ngar thapgad ko muulung. Ra yib angin e athamgil ni ga be tay u nap’an nra un e piin ga be fil e Bible ngorad ko muulung ko yay nth’abi som’on.​—1Ko 14:24, 25.

NGAN YALIY FARE VIDEO NI HELP YOUR BIBLE STUDENTS TO ATTEND MEETINGS, NGEMU’ MIN PI’ E FULWEG KO PI DEER NEY:

• Mang e weliy Neeta murung’agen ya nge yag ni pining Jade ni nge un ko muulung?

• Mang fan ni gad ma felfelan’ u nap’an nra un be’ ni gad be fil e Bible ngak ko muulung?

• Mang e buch rok Jade u nap’an ni un ko muulung ko yay nth’abi som’on?