Gad baadag ni ngad felfelan’naged Jehovah u gubin ban’en ni gad ma rin’. (Pr 27:11) Ra ngad rin’ed e re n’ey, mab t’uf ni ngad dugliyed boch ban’en ni be m’ug riy rogon e lem rok Jehovah ni yugu aram rogon ndariy ba motochiyel nri be tamilangnag e n’en ngad rin’ed. Ere mang e ra ayuwegdad ni ngad rin’ed e re n’ey?

Ngaum tay e fol Bible ni gubin ngiyal’. Gubin yay ni gad ra beeg e Bible ma gowa bod ni gad be tay e tayim ni fan ngak Jehovah. Rayog ni ngad nanged rogon e lem rok Jehovah ni faan gad ra lemnag rogon ni ma ngongol ko girdi’ rok, ma gad be fil murung’agen boch e girdi’ nib fel’ ara ba kireb e ngongol rorad u wan’. Nap’an nra t’uf ni ngad dugliyed ban’en, ma rayog ni nge ayuwegdad gelngin Got nib thothup ni nge yib ngan’dad boch ban’en nib ga’ fan nge boch i kenggin e motochiyel ni kad filed ko Thin rok.​—Joh 14:26.

Mu gay murung’agen boch ban’en. Nap’an nra t’uf ni ngam dugliy ban’en, mag fithem ni nge lungum, ‘Mang boch e thin nu Bible ara boch ban’en ni ke buch ni bay murung’agen u Bible nrayog ni nge ayuwegeg ni nggu nang rogon laniyan’ Jehovah ko re n’ey?’ Mu ning e ayuw ngak Jehovah u daken e meybil, mag fanay boch e babyor nge boch ban’en ni kan ngongliy ko thin rom nra ayuwegem ni ngam pirieg boch i kenggin e motochiyel u Bible nib puluw ko magawon rom mag fol riy.​—Ps 25:4.

NGAN YALIY FARE VIDEO NI WE MUST “RUN WITH ENDURANCE”​—EAT NUTRITIOUS FOOD, NGEMU’ MIN PI’ E FULWEG KO PI DEER NEY:

• Mang boch e magawon ni i mada’nag fare walag nib pin ni kab fel’ yangaren ni kan dag yaan ko fare video?

  textarea-1

• Uw rogon nrayog ni ngam fanay boch ban’en nrayog ni ngan gay murung’agen boch ban’en riy ni nge ayuwegem ni ngam gel nga boch e magawon ni bod e n’en ni mada’nag e re walag ney?

  textarea-2

• Nap’an ni gad ra tay e tayim ni ngad gayed murung’agen boch ban’en ma gad be fil e Bible ni yigoo gadad ya nge yag ni ngad dugliyed boch ban’en nib fel’ rogon, ma uw rogon nra yib angin ngodad?​—Heb 5:13, 14

  textarea-3