Thin rok Got e rayog ni nge thilyeg e yafos rodad. (Heb 4:12) Machane faanra nge yib angin e fonow riy ngodad mab t’uf ni nge mich u wan’dad ni aram e “thin rok Got.” (1Th 2:13) Uw rogon nrayog ni ngari mich e Bible u wan’dad?

Mu beeg bang ko Bible ni gubin e rran. Nap’an ni ga be beeg e Bible mag guy boch ban’en ni be micheg ni Jehovah e ir e En Thin Rok e bay riy. Bod nrayog ni ngam guy e fonow ni bay e gonop riy ko fare babyor ni Proverbs mag tay fanam i yan u rogon nib m’ag ko par rodad e ngiyal’ ney.​—Pr 13:20; 14:30.

Mu dugliy ban’en ni ngam fil u nap’an e fol Bible ni ga ma tay ni yigoo gur. Mu fil boch ban’en ni be micheg ni Bible e kan thagthagnag e thin riy. Nap’an ni ga ra yan ko fare ke babyor ni Research Guide for Jehovah’s Witnesses, mag yaliy e n’en bay u tan fare thin ni “The Bible,” ngemu’ mag yaliy fare thin ni “Inspired by God.” Ku rayog ni ngarim micheg nga lanin’um ndawori thil e thin nu Bible ni aram e ngam yaliy e n’en bay ko Fare Wulyang ko Damit ko July 2016.

NGAN YALIY FARE VIDEO NI WHY WE HAVE FAITH IN . . . GOD’S WORD, NGEMU’ MIN PI’ E FULWEG KO PI DEER NEY:

• Bay ba rungrung u ba tempel ni immoy u Karnak u Egypt ni kan pirieg. Ere uw rogon ni be micheg e re n’ey nib riyul’ e Thin rok Got?

  textarea-1

• Uw rogon ni kad nanged ndawori thil e thin nu Bible?

  textarea-2

• Bochan ni ke par e Bible ke yib i mada’ ko ngiyal’ ney, ma uw rogon ni be micheg ngom ni aram e Thin rok Got?​—Mu beeg e Isaiah 40:8

  textarea-3