Be yog e Bible ni pi Kristiano ni yad ba ilal ngodad e ngaud ted yad ni gowa yad e pi chitiningidad nge pi chitamangidad, ma pi Kristiano nib bitir ngodad e ngaud ted yad ni gowa yad pi walagdad. (Mu beeg e 1 Timothy 5:1, 2.) Pi walag ni pumoon e rib t’uf ni ngaur ted fan e pi walag nib pin.

Thingar dabi rin’ reb e walag ni pumoon ban’en nra k’aring reb e walag nib pin ni nge magagawon ngak. (Job 31:1) Thingar dabi rin’ reb e walag ni pumoon nib muchugbil ban’en nra k’aring reb e walag nib pin nib muchugbil ni nge lemnag ni fare walag e baadag, machane bin riyul’ riy e gathi aram e n’en be lemnag.

Faanra ke fith reb e walag nib pin reb e deer ngak reb e piilal, ara ke yog ngak murung’agen reb e magawon nib t’uf ni ngan rin’ ban’en ngay, ma susun e nge motoyil fare piilal. Piin piilal e rib t’uf ni ngaur lemnaged e piin ndariy figirngirad nra ayuwegrad.​—Ru 2:8, 9.

NGAN YALIY FARE VIDEO NI DISPLAY UNFAILING LOVE IN THE CONGREGATION​—TO WIDOWS AND THE FATHERLESS, NGEMU’ MIN PI’ E FULWEG KO PI DEER NEY:

• Uw rogon ni ke dag e pi walag u lan e ulung nrib t’uf Sister Myint rorad?

• Uw rogon ni t’ufeg ni dag e pi walag u lan e ulung e k’aring e girdi’ ko fare binaw ni ngar guyed nriyul’ ni be fol e pi walag nem ko n’en ni yad be machibnag?

• Bochan e t’ufeg ni dag e pi walag u lan e ulung, ma mang angin ni ke yib ko fa gal rugod ni fak Sister Myint?

Mang boch e kanawo’ nrayog ni ngam dag e t’ufeg riy ngak e pi walag nib pin u lan e ulung rom?