Ra gad manang rogon laniyan’ be’ ma aram e gad manang e n’en be lemnag, nge n’en nib ga’ fan u wan’, nge n’en nib t’uf rok. Ba mom ni nge guy e girdi’ e re n’ey u rarogodad. Faanra riyul’ ni gad baadag ni ngad ayuweged e girdi’, mab mom ni ngad nanged rogon lanin’rad. Gad ra dag e re n’ey u nap’an e machib, ma aram e gad be folwok u rogon ni ma dag Jehovah e t’ufeg. Re n’ey e ma k’aring e girdi’ ni ngar adaged ni ngar filed murung’agen.​—Fil 2:4.

Re n’ey e gathi ban’en ni gad ma dag ya nge yag nda filed ban’en ko girdi’. Ya ma m’ug u rogon ni gad ma motoyil, nge rogon e welthin nge lem ni gad be tay, nge rogon ni gad be non ma be un pa’dad ngay, nge rogon owchedad. Rayog ni nge m’ug e re fel’ngin ney rodad ni faan gad ra guy rogon ni ngad nanged e n’en ni baadag e girdi’, nge n’en nib mich u wan’rad, nge rogon e par rorad. Ra gad be lemnag rarogon e girdi’, ma aram e gad ra yog boch ban’en ni nge ayuwegrad, machane dab da towasariyed yad ni ngar thilyeged rarogorad. Ra m’agan’ e girdi’ ko ayuw ni gad be pi’ ngorad u nap’an e machib, ma ra gelnag e felfelan’ rodad.

NGAN YALIY FARE VIDEO NI EXPERIENCE THE JOY OF DISCIPLE-MAKING​—IMPROVE YOUR SKILLS​—SHOWING EMPATHY, NGEMU’ MIN PI’ E FULWEG KO PI DEER NEY:

• Uw rogon ni dag Neeta ni be lemnag rarogon Jade ni yugu aram rogon ni ke yib nib sagaal?

• Uw rogon ni dag Neeta ni be lemnag rarogon Jade u nap’an ni yog ni kaygi yoor pa’ u puluwon ndab ki m’ag e fol Bible rok?

• Uw rogon ni dag Neeta ni be lemnag rarogon Jade u nap’an ni yog ni ir be’ nde yaram?