Boor e meybil ni bay murung’agen u lan e Bible ni i fulweg Jehovah taban. Nap’an ni guy e pi tapigpig rok Jehovah rogon ni be motoyil ngorad u nap’an ni yad be weliy e pi magafan’ rorad ngak nge rogon ni be ayuwegrad, ma dariy e maruwar riy ni gel e michan’ rorad. Aram fan nib fel’ ni ngad tamilangnaged e n’en gad be yog u lan e meybil rodad, ma gad guy rogon ni ngad nanged rogon ni be fulweg Jehovah taban e meybil rodad. Dab mu pagtalin nrayog ni nge fulweg taban e meybil rodad u reb e kanawo’ nib thil ko n’en kad ninged ara pi’ e n’en kad ninged nib pag nga urngin ni kad ninged ngak. (2Ko 12:7-9; Efe 3:20) Uw rogon nrayog ni nge fulweg Jehovah taban e meybil rodad?

• Ra pi’ gelngidad, ara gapaseg lanin’dad, ara gelnag e michan’ rodad ya nge yag nda pithiged e magawon rodad.​—2Ko 4:7

• Ra pi’ e gonop ngodad ya nge yag nda dugliyed ban’en nib fel’ rogon.​—Jas 1:5

• Ra ayuwegdad ni ngad adaged ni ngad rin’ed ban’en me pi’ gelngidad ni ngad rin’ed e re n’em.​—Fil 2:13

• Ra gapaseg lanin’dad u nap’an be magafan’dad. ​—Fil 4:6, 7

• Ra pi’ boch e girdi’ ni ngar ayuweged gadad ko tin nib t’uf rodad ara ra fal’eged lanin’dad.​—1Jo 3:17, 18

• Ra ayuweg e piin gad be yibilayrad.​—Ac 12:5, 11

NGAN YALIY FARE VIDEO NI JEHOVAH IS THE “HEARER OF PRAYER,” NGEMU’ MIN PI’ E FULWEG KO GAL DEER NEY:

• Uw rogon nrayog ni nge pi’ e n’en ni rin’ Brother Shimizu e athamgil nga lanin’dad ni faanra bay boch ban’en ndabkiyog ni ngad rin’ed ni bochan e kad m’argad?

• Uw rogon nrayog ni ngad folwokgad rok Brother Shimizu?