TIN MA RIN’ E PIIN KRISTIANO
Rayog ni Ngam Gelnag e Felfelan’ u Lan e Tabinaw Rom
Baadag Jehovah ni nge felfelan’ e tabinaw. (Ps 127:3-5; Ek 9:9; 11:9) Machane rayog ni nge chuw e felfelan’ rodad ni bochan e pi n’en bay ko re fayleng ney ni ma k’aring e mochuch ngodad nge pi oloboch ni ma rin’ chon e tabinaw rodad. Ere mang e rayog ni nge rin’ be’ nge be’ u lan e tabinaw ya nge yag ni par e tabinaw ni bay e felfelan’ riy?
En figirngiy e ma tayfan leengin. (1Pe 3:7) Ma tay e tayim ni fan ngak. Der ma lemnag ni nge rin’ boch ban’en ndabiyog rok, maku ma dag ni be pining e magar ngak ko pi n’en ma rin’ ni fan ngak nge tabinaw rorow. (Kol 3:15) Ma dag nib t’uf rok maku ma n’uf.—Pr 31:28, 31.
En leengiy e ma gay boch e kanawo’ ni nge ayuweg figirngin riy. (Pr 31:12) Ma fol rok ma ma ayuweg ya nge yag ni yib angin e pi n’en be dugliy. (Kol 3:18) Ma non ngak u fithik’ e sumunguy ma kub fel’ e pi n’en ma weliy u murung’agen.—Pr 31:26.
Piin gallabthir e yad ma tay e tayim ni fan ngak pi fakrad. (De 6:6, 7) Yad ma yog ngak pi fakrad ni yad ba t’uf rorad. (Mt 3:17) Yad ma yal’uwegrad u fithik’ e t’ufeg nge tamilangan’.—Efe 6:4.
Piin bitir e yad ma tayfan e gallabthir rorad maku yad ma fol rorad. (Pr 23:22) Yad ma weliy lanin’rad ngak e gallabthir rorad. Ba m’agan’rad nga rogon ni ma yal’uwegrad e gallabthir rorad ma yad ma tay farad.—Pr 19:20.
NGAN YALIY FARE VIDEO NI CULTIVATE JOY IN YOUR FAMILY, NGEMU’ MIN PI’ E FULWEG KO RE DEER NEY:
Ra bagayad e pi cha’ney ma mang e rin’ ya nge yag ni yibnag e felfelan’ nga lan e tabinaw?