Ban’en ni gad be nameg ni fan ko tirok Got e rayog ni nge un ngay ban’en ni gad be athamgil ni ngad rin’ed ya nge yag nda mon’oggad boch u rogon e pigpig ni gad be tay ngak Jehovah ma gad felfelan’nag. Pi n’ey e ma ayuwegdad ni ngad ilalgad ko tirok Got ban’en, ma tayim rodad nge gelngidad ni kad ted ni fan ngay e dabi yan i aw nib m’ay fan. (1Ti 4:15) Mang fan nsusun e ngaud fal’eged i lemnag e pi n’en gad be nameg? Bochan ni ma thil rogon e par rodad. Rayog ni bay ban’en ni ud nameged kafram ndabkiyog ni ngad rin’ed, ara ke yag ni ngad rin’ed maku bay ban’en nrayog ni ngad nameged.

Ngiyal’ nib fel’ ni ngad fal’eged i lemnag e pi n’en gad be nameg e u m’on ni nge tabab e bin nib beech e service year. Ere mang ndab mu weliyed chon e tabinaw rom e re n’ey u nap’an e fol Bible ni tabinaw me bigimed me nameg boch ban’en ni nge rin’ ara ngam rin’ed u taabang?

Mang e ga be nameg ni fan ko pi n’en ni baaray, ma uw rogon ni ga be nameg ni ngam rin’ e pi n’ey?