TIN MA RIN’ E PIIN KRISTIANO
Ba Gel e Maruwel ni Yad Ma Tay ni Fan Ngodad
Pi walag ni pumoon ni yad ma lekag e ulung nge ppin rorad e yad ma pag farad ngaur t’ufeged e pi walag ko pi ulung ni yad ma lekag. Yad bod gadad ni ku bay boch ban’en nib t’uf rorad ma yu ngiyal’ e ma aw parowrad, maku ma mulan’rad, maku ma magafan’rad. (Jas 5:17) Yugu aram rogon ma gubin e wik ni yad ma tedan’rad nga rogon ni ngar pied e athamgil ko pi walag ko pi ulung ni yad be lekag. Riyul’ ni ‘bay rogon’ ni ngar ni tayfan e pi walag ni pumoon ni yad ma lekag e ulung.—1Ti 5:17.
Nap’an ni be tanomnag apostal Paul rogon e milekag ni nge tay nga Roma ni nge “pi’ e thin rok Got” ko ulung u rom, ma i athapeg e ngiyal’ nra yan ngaram me ‘fel’ rogorad ko michan’ rok miki fel’ rogon ko michan’ rorad.’ (Ro 1:11, 12) Kaam lemnag rogon nrayog ni ngam pi’ e athamgil nga laniyan’ e en ma lekag e ulung rom nge ppin rok ni faanra ba mabgol, fa?
NGAN YALIY FARE VIDEO NI THE LIFE OF A RURAL CIRCUIT OVERSEER, NGEMU’ MIN PI’ E FULWEG KO PI DEER NEY:
-
Mang boch e kanawo’ ni ma pag e pi walag ni pumoon ni yad ma lekag e ulung nge ppin rorad farad riy ya nge yag nra t’ufeged e pi walag u lan e ulung?
-
Uw rogon ni ke yib angin ngom e maruwel nib gel ni yad ma tay?
-
Uw rogon nrayog ni ngad pied e athamgil nga lanin’rad?
