TIN MA RIN’ E PIIN KRISTIANO
Ngan “Ayuweg Ma Yibe Machibnag” Fare Thin nib Fel’ Nrogon nib Puluw ko Motochiyel
Nap’an ni guy e piin yad be togopuluw rogon ni ngar taleged piyu Israel ndab kur toyed bayay fare tempel, ma aram me rin’ e piin yad be maruwel e tin nib t’uf ni ngar rin’ed ya nge yag nni pi’ mat’awrad ni ngar ululgad ko maruwel nrogon nib puluw ko motochiyel. (Ezr 5:11-16) Ku arrogon e pi Kristiano e ngiyal’ ney ni yad ma rin’ e tin nrayog rorad ni ngar ayuweged ma yad be machibnag fare thin nib fel’ nrogon nib puluw ko motochiyel. (Fil 1:7) Aram fan nni sunmiy ba Legal Department ko tochuch rodad u nap’an e duw ni 1936. Ngiyal’ ney e ma yarmiy fare World Headquarters Legal Department rogon ni yibe ayuweg e maruwel ni yibe rin’ u ga’ngin yang e fayleng ni fan nga Gil’ilungun Got. Uw rogon ni ke ayuweg e re department ney e maruwel ni yibe rin’ ni fan nga Gil’ilungun Got nge girdi’ rok?
NGAN YALIY FARE VIDEO NI TOUR OF THE LEGAL DEPARTMENT AT WORLD HEADQUARTERS, NGEMU’ MIN PI’ E FULWEG KO PI DEER NEY:
-
Mang boch e oloboch ni kan togopuluwnag ngak e Pi Mich Rok Jehovah?
-
Mang boch e case ni kad gelgad riy u tagil’ e puf oloboch? Mu weliy reb riy
-
Mang e rayog ni nge bagadad me rin’ ni nge ‘ayuweg ma be machibnag fare thin nib fel’ nrogon nib puluw ko motochiyel’?
-
Gin ngan ko website rodad e rayog ni ngad pirieged riy murung’agen e pi oloboch ni yibe togopuluwnag ko girdi’ rok Got nge fithingan e Pi Mich Rok Jehovah ni kan kalbusnagrad ni bochan e michan’ rorad?
