FAN NIB GA’ FAN: Fol Bible ni gad ma tay ni yigoo gadad e ra ayuwegdad ni ngad nanged “feni ga’ radan nge feni n’uw nge feni tolang nge feni toar” e tin riyul’. (Ef 3:18) Ku ra ayuwegdad ni ngad pared ndariy thibngidad ma gad ba machalbog u lan e re fayleng ney ni ke sug ko kireb, miki ayuwegdad ni ngad chichiiyed pa’dad ko “thin rok Got” nra yibnag e yafos. (Fil 2:15, 16) Gad ra fil e Thin rok Got ni yigoo gadad, ma rayog nra be’ ma nge mel’eg reb e babyor ara video nra ayuweg ko n’en nib t’uf rok ko tirok Got ban’en. Ere mang e rayog ni ngad rin’ed ya nge yib angin e beeg nge fol Bible ni gad ma tay?

ROGON NI NGAN RIN’:

• Mu tay e pow ko thin nu Bible ni ga be beeg mag yoloy boch ban’en nga but’ nga lan e ke rom e Bible ni ir e ga ma fanay ni ngam fil e Bible ni yigoo gur ara bin ni bay ko phone ara tablet rom

• Mu fithem ko pi deer ney u nap’an ni ga be beeg e Thin rok Got: ‘Mini’? Mang? Wuin? U uw? Mang fan? Uw rogon?’

• Mu gay boch ban’en u murung’agen e n’en ni ga be beeg. Mu fanay e pi n’en ni bay nrayog ni nge ayuwegem ngam gay murung’agen e n’en ni ga be beeg. Rayog ni ngam rin’ e re n’ey ni aram e ga be fanay murung’agen reb e ban’en nge reb ara reb e thin nu Bible nge reb

• Mu fal’eg i lemnag e n’en ni ga be beeg nge rogon nrayog ni ngam fanay nga lan e yafos rom

• Mu fol ko tin ni ga be fil mag fanay ko pi n’en ni ga be rin’ u reb e rran ngu reb.​—Lu 6:47, 48

NGAN YALIY FARE VIDEO NI KENGGIN E KEEP “A TIGHT GRIP”​—THROUGH EFFECTIVE PERSONAL STUDY, NGEMU’ MIN PI’ E FULWEG KO PI DEER NI BAARAY:

• Mang e be yog boch e girdi’ u murung’agen angin e fol Bible ni yad ma tay ni yigoo yad?

• Mang fan nsusun ni ngad meybilgad u m’on ni ngad tababgad ko fol Bible ni yigoo gadad?

• Mang e rayog ni nge ayuwegdad ni ngad nanged fan e thin nu Bible nib fel’ rogon?

• Ba miti mang pow e rayog ni ngad ted nga lan e Bible ni gad ma fanay ni ngad filed e Bible ni yigoo gadad?

• Mang nrib ga’ fan ni ngad fal’eged i lemnag e tin ni gad be beeg u lan e Thin rok Got?

• Mang e ngad rin’ed ko tin ni kad filed?