Bin tomur e Paluk’af ni madnomnag Jesus e rib ga’ fan. Bochan ndab ki n’uw nap’an ma bayi yim’, ma aram fan ni yarmiy rogon ni ngar ted e pi apostal rok fare abich ko Paluk’af, me tababnag reb e madnom nib beech ni ngaun tay ni gubin e duw ni aram fare Abich ni Blayal’ rok Somol. Ere l’og Peter nge John ni nga ranow ra fal’egew rogon fare singgil ni ngar abichgad riy. (Lu 22:7-13; mu guy e sasing ni bay u wuru’ e re ke babyor ney.) Re n’ey e be puguran ngodad nib t’uf ni ngad fal’eged rogodad u m’on ko fare Puguran ni yira tay ko March 27. Ba mudugil ni ke yarmiy e pi ulung e en nge pi’ e welthin, nge wain nge flowa ni yira fanay u nap’an e muulung, nge ku boch ban’en. Machane mang e rayog ni nge rin’ be’ nge be’ ya nge yag ni fal’eg rogon ni fan ko fare Puguran?

Mu guy rogon ni nge ga’ fan u wan’um e yam’ ni tay Jesus. Mu beeg mag fal’eg i lemnag e pi thin nu Bible ni fan ko Puguran. Rayog ni ngam pirieg e schedule ni bay e pi thin nu Bible nem riy ko fare babyor ni Examining the Scriptures Daily, nge fare ke babyor ni Boch Ban’en Nra Ayuwegdad u Nap’an e Fol Bible ko guruy ni 16. (Kum guy fare babyor ni Pi N’en ni Ma Rin’ e Piin Kristiano nge Machib ni Yad Ma Tay ko April 2020.) Ku rayog ni nge gay girdien reb e tabinaw murung’agen feni ga’ fan fare biyul ko fare Watch Tower Publications Index ara fare Research Guide for Jehovah’s Witnesses ni thin ni Meriken, mar weliyed murung’agen u taabang u nap’an e fol Bible ni tabinaw rorad.

Mu pining e girdi’ ko Puguran. Mu pi’ e tin th’abi fel’ rom ni fan ko re maruwel ney ni ngan wereg e invitation ko Puguran. Mu lemnag boch e girdi’ nrayog ni ngam piningrad ni bod e piin ga ma sul ngam guyrad, nge piin um fil e Bible ngorad kafram, nge yug girdi’ ni ga manangrad, nge girdi’ rom. Piin piilal e susun ndab ra paged talin ni ngar pininged e pi walag ni kar talgad ko muulung nge machib. Dab mu pagtalin ni faanra der par be’ ko gin ga ma par riy, ma rayog ni ngam man ko jw.org ngam click ko fare tab ni MURUNG’AGMAD, mag clicknag e “Puguran” ngam nang e ngiyal’ nge gin ni yira tay e Puguran riy ko gin be par facha’ riy.

Mang e ku rayog ni ngad rin’ed ni ngad fal’eged rogodad?